Makalalar

Täçmahala syýahat

Hindistanyň Agra şäherinde ýerleşýän Täçmahal aramgähi hakynda eşitmedik ýok bolsa gerek. Bu ýadygärlik özüniň täsinligi bilen göreni haýran galdyrýar. Çünki onuň gurluş maksady hem gyzykly. Bu ýerde ýene-de söýgi bar. Şah Jahan bu binanay Mumtaz Mahala bolan söýgüsiniň nyşany hökmünde gurdurýar. Alymlaryň takyklamagyna görä bu ajaýyp ýadygärlik 1631-nji ýylda gurulýar.

Bu aramgähiň ini 56 metr bolup, beýikligi 58 metre barabardyr. Dünýäniň täsin gudratlarynyň biri hasaplanýan söýginiň simwolyna öärülen bu ajaýyp ymarat, syýahatçylaryň iň gelim-gidimli ýeridir. Täçmahaly görmek üçin dünýäniň dürli ýerlerinden her ýylda çen bilen 2,5 milliondan gowrak adam bu ýere gelýär.

Metbugat we internet materiallary esasynda taýýarlan:

Türkmen döwlet binagärlik-gurluşyk institutynyñ mugallymy Merdanmuhammet Durdymyradow